Peşəkar İnkişaf Mərkəzi
Azərbaycan Memarlıq və İnşaat Universiteti nəzdində heyətin peşəkar inkişafı üçün təlim mərkəzi.
Peşəkar İnkişaf Mərkəzi (PİM) Azərbaycan Memarlıq və İnşaat Universitetinin struktur bölməsidir. Mərkəzin məqsədi universitet əməkdaşlarının peşəkar bilik, bacarıq və kompetensiyalarını müasir tələblərə uyğun inkişaf etdirmək, fərdi potensiallarının reallaşdırılması və davamlı peşəkar inkişafı üçün əlverişli mühit yaratmaqdır.
Təlimlər qısa, praktik və gündəlik işə yönəlmiş formatda təşkil olunur. Rəqəmsal alətlər, süni intellekt, korporativ kommunikasiya, idarəetmə və marketinq mövzularında kurslar həm əyani, həm də PİM tədris portalı vasitəsilə onlayn keçirilir.
Nə edirik
- Universitetin professor-müəllim heyəti və əməkdaşları üçün ixtisasartırma təlimləri
- Rəqəmsal bacarıqlar: Microsoft 365 və korporativ poçt, LMS/ERP sistemləri, bulud və veb alətləri
- Süni intellekt alətlərinin tədrisdə, elmi işdə və gündəlik işdə düzgün tətbiqi
- Aktual mövzularda seminarlar, master-klasslar və açıq tədbirlər
Əsas vəzifələr
Mərkəzin əsasnaməsinə uyğun olaraq gördüyümüz işlər.
Ehtiyacların müəyyənləşdirilməsi
Əməkdaşların peşəkar inkişaf ehtiyaclarını müəyyənləşdirir, təhlil edir və inkişaf istiqamətlərini formalaşdırırıq.
Təlim və inkişaf proqramları
Ehtiyaclara uyğun təlim, seminar, praktiki məşğələ və digər inkişaf proqramları hazırlayır və həyata keçiririk.
Müasir kompetensiyalar
Müasir iş mühitində tələb olunan peşəkar, idarəetmə, kommunikasiya və digər kompetensiyaları inkişaf etdiririk.
Fərdi və davamlı inkişaf
Əməkdaşların fərdi inkişaf istiqamətlərini dəstəkləyir, davamlı peşəkar inkişaf mədəniyyəti formalaşdırırıq.
Müasir metod və yanaşmalar
Peşəkar inkişaf sahəsində müasir təlim metodlarını, alətləri və qabaqcıl yanaşmaları araşdırır və tətbiq edirik.
Qiymətləndirmə və təkmilləşdirmə
Keçirilən proqramların nəticələrini qiymətləndirir və onların effektivliyini artırırıq.
Əməkdaşlarımız
Təlimlər, qeydiyyat və əməkdaşlıq təklifləri üçün komandamızla birbaşa əlaqə saxlaya bilərsiniz.
Kurs istiqamətləri
PİM tədris portalındakı kurslar bu istiqamətlər üzrə qruplaşdırılıb.
Əməkdaşlıq
Təlim və seminarları universitetin digər mərkəzləri və tərəfdaş təşkilatlarla birgə keçiririk.
- AzMİU Rəqəmsal İnkişaf Mərkəzi İnformasiya təhlükəsizliyi və rəqəmsal mövzularda birgə seminarlar.
- AzMİU Süni İntellekt Mərkəzi “Süni intellektin təhsildə tətbiqi” silsilə təlimləri.
- AzMİU Abituriyentlərlə İş Mərkəzi Məktəblilər üçün İT karyera yolu mövzusunda master-klasslar.
- Azərbaycan Kibertəhlükəsizlik Təşkilatları Assosiasiyası AKTA İnformasiya təhlükəsizliyinin idarəçiliyi üzrə ekspert seminarları.